மீண்டும் மீண்டும்

மழலையின் எழுத்துக்களாக
சிணுங்கிய தூறல்
சட்டென மௌனங்ளை
சுக்குநூறாய் கிழித்தது மழையாய்

வழிந்தோடிய வெள்ளம்
சாலைகளில் படர்ந்து
கிடந்த அழுக்கை கரைத்து
வெளுத்துப் பார்த்தது

தேங்கிய வெள்ளம்
கெட்டித்துப் போன கரைகளை
கொஞ்சமாய் கரைத்து உடைத்து
பெருக்கெடுத்து புதிய தடம் போட்டது

நாறிப்போன சாக்கடை
அடித்துச் செல்லப்பட்டது
நலிந்து போன குளத்தின்
தாகம் தீர்க்கப்பட்டது

கரைக்க துவைக்க உடைக்க தீர்க்க
முடியாத மனிதனின் மனதிற்காக
மீண்டும் மீண்டும் மழலையாய்
சிணுங்கத் துவங்கியது மழை



-

_____________________________________________________