புனைவு

உள்ளே புதைந்து கிடக்கும்

காமம் கோபம் கண்ணீர் வலி

மகிழ்ச்சி அன்பு பாசம் நேசம் 

எல்லாவற்றையும் எளிதாய்

இறக்கி வைத்தேன் எழுத்தில்.

என்னைப் பிரதியெடுத்ததை

இன்னுமொரு வாசித்தேன்

பிரதியின் நாற்றம் சகிக்காமல்

இற்று விழுந்தேன் எழுத்திற்குள்ளே!

நீந்திக்கொண்டிருந்த

எல்லாக் கசடுகளும் முட்டி மோதி

இன்னும் பயமுறுத்தின.

தட்டுத்தடுமாறி வெளியேறி

இன்னும் எழுத்துகளை இட்டேன்

புனைவு என…

போலி மாயத்திரையொன்று

தற்காலிகமாக

காத்துக் கொண்டிருக்கிறது

என்னை என்னிலிருந்து!

-0-