கமல் சார் திஸ் இஸ் டூ மச்

“திருமணங்கள் தோல்வியடைந்து கொண்டிருக்கின்றன” என்ற ஒரு பொன்மொழியை சமீபத்தில் ஒரு ஆங்கில தொலைக் காட்சி பேட்டியில் உதிர்த்திருக்கிறார் நடிகர் கமல்ஹாசன்.

அடுத்து, “ஏன் சரிகாவை திருமணம் செய்து கொண்டீர்கள்” என்ற கேள்விக்கு “ஹோட்டல்களில் சரிகாவுடன் அறை எடுத்து தங்கும் போது பிரச்சனை வருகிறது, எனவே திருமணம் செய்து கொண்டேன்” என்று புத்திசாலித்தனமாக பதிலளித்துள்ளார்.

ஆஹா... கமல் சார்... திருமணம் என்பது இதற்காகத்தானா? ஓ... இதே காரணத்தால் தான் நீங்கள் முதலில் ஒரு திருமணம் செய்து கொண்டீர்களா!!!???

ஏன் கமல் சார்...
உங்களுக்கு வீடு இருக்கிறது தானே, என்ன தினமுமா ஹோட்டல்களில் தங்கினீர்கள் சில நாட்கள் தானே சரிகாவுடன் ஹோட்டல்களில் தங்கியிருப்பீர்கள்?

நீங்கள் ஏன் சில ரெடிமேட் சினிமா தாலிகளை செய்து, உங்கள் பெட்டியிலோ அல்லது உங்களுடன் இணைந்து வந்த சரிகாவின் கைப் பையிலோ வைத்துக் கொண்டு ஹோட்டல்களில் நுழையும் முன் போட்டுக் கொண்டு திரும்ப வெளியே வரும்போது கழட்டி வைத்திருக்கக் கூடாது?

இதைவிட்டு விட்டு ஹோட்டல்களில் பிரச்சனை செய்கிறார்கள் என்ற காரணத்திற்காக திருமணமா...!!!??? கமல் சார் திஸ் இஸ் டூ மச்.

சரி...சரி உண்மையாகவே அப்படி சொன்னீர்களா? அல்லது சினிமாவில் நடிப்பது போல் தொலைக்காட்சி கேமரா முன் மறந்து போய் நடித்துவிட்டீர்களா?

திரையுலகின் மிகப்பெரிய திறமைசாலி, சில நாட்கள் ஹோட்டல்களில் அறை எடுத்து தங்குவதற்காக அவரோடு இணைந்து வாழ்ந்து இரண்டு பெண் குழந்தைகளைப் பெற்றுக் கொண்ட பின்னர் அந்தப் பெண்ணை, சரிகாவை திருமணம் செய்து கொண்டது அபத்தத்தின் உச்ச கட்டம்.

மதுக்குடிப்பவன் திராட்சைத் தோட்டத்தையே வாங்கி விடுவதில்லை, புகை பிடிப்பவன் புகையிலை தோட்டத்தையே வாங்கிவிடுவதில்லை.

ஆனாலும் கமல் சார், உங்கள் படம் ஏனோ ரொம்ப பிடிக்கும். உங்கள் நடிப்பு மேல் கொண்ட மரியாதை வேறு எந்த நடிகர் மேலும் இதுவரை வந்ததில்லை. உங்கள் திறமை மேல் என்றுமே பெரும் வியப்பு உண்டு. ஆனால் நடிக்க வந்து பொன்விழா காணும் நீங்கள் தொலைக்காட்சியில் நடித்துப் பேசிய இந்த வசனம் மட்டும் ஏனோ எனக்கு பிடிக்கவில்லை.

-----------------------------------------------------------------------

முழுவதும் படித்தீர்களா பிடித்திருந்தால் உங்கள் கருத்தை பதிவு செய்துவிட்டு தமிழ்மணத்திலும், தமிழிஷிலும் வாக்கினைப் பதிவு செய்யுங்கள்.