மழை நேரம்

தடதடக்கும் ரயில் பயணங்களில்

சலசலக்கும் மழைச்சாரல்களால்

சன்னலோரக் கம்பிகளில்

தோரணமாய் தொங்கும் துளிகளில்

அதங்கிக் குலுங்கி சீறும் பெட்டியின்

காற்றைக் கிழிக்கும் வேகத்தில்

கோபத்தோடு உட்புகும் காற்றில்

கரைந்து தெறிக்கும் சிதறலில்

பேரிரைச்சலைத் தவிர்க்க

மூடும் கண்ணாடிச் சன்னல்களில்

அலையலையாய் வழிந்தோடும்

வெள்ளத்தோரணத்தில்

பெரும் மழைத்துளி தாளம் போடும்

சேற்று வயலில் சிந்திக்கிடந்த

வியர்வைத் துளியில் பிறந்த

வெள்ளப் பிரவாகத்தில் என

உலகின் ஒட்டுமொத்த அழகையும்

ஒன்றுகூட்டித் தனக்குள்ளே

தக்கவைத்திடத் தவறுவதில்லை

மழை நேரங்கள்!

_______________